TELERS

Die erns en passie waarmee die onderskeie stoeterye teel word weerspieel in die gereelde navrae na teelmateriaal en goeie ondersteuning deur kopers op ons jaarlikse bulveiling.Voorts is die telers voortdurend in die mark vir die aankoop van meerderwaardige teelmateriaal van rigtinggewende stoeterye soos oa. die van Arthur de Villiers; die Ralfe familie; Fourie Scheepers; John Lichti en Syferfontein Bonsmaras– om maar enkeles te noem. Toekomstige teelbulle word uiters streng geselekteer en deurloop n groeitoets (Fase D) toetsprogram ten einde net die beste diere aan die mark beskikbaar te stel.

Uiteraard bly die norm om net teeldiere te keur wat n bydra tot kommersiele en stoettelers se kuddes te kan lewer. Uitskotdiere word sonder skroom geslag en daar bestaan nie n term soos n “grensgeval” bul nie.

Hierdie filosofie word gerugsteun deur die feit dat slegs ongeveer 70 bulle per jaar uit n totale teelgroep van ongeveer 2000 stoetdiere aan die mark beskikbaar gestel word. Voorts poog stoettelers om groepinteling te beperk deur sover moontlik verskillende teellyne in die onderskeie teelprogramme te volg ten einde n diverse bron van genetika aan kopers daar te stel.